Galicia Camiño Emprendedor

A Xunta de Galicia, xunto coa Fundación Ronsel, pon en marcha una nova edición do programa Galicia Camiño Emprendedor, mentoría para persoas emprendedoras compartindo unha etapa do Camiño de Santiago.

O obxectivo principal de cada etapa é a mellora dos proxectos participantes e a xeración de contactos profesionais, empregando a metodoloxía de mentoría “Facendo Camiño”.

Obxectivos xerais

Realizar 3 dobres etapas en tramos oficiais do Camiño de Santiago.
Desenvolver cada etapa en dúas xornadas, empregando e promocionando negocios de hostalaría e aloxamento que sirvan como exemplo pola súa vinculación ao Camiño de Santiago, pola singularidade do seu modelo de negocio, pola súa defensa das tradicións ou outras características que resulten de interese.
Mentorizar a persoas emprendedoras axudándoas a consolidar os seus proxectos empresariais e xerar contactos de interese para atraer novas oportunidades.
Practicar as relacións profesionais e fomentar as habilidades de comunicación e xeración de alianzas.

Promover e dar a coñecer Galicia e o Camiño de Santiago en España, empregando as diferentes rutas recoñecidas de forma oficial.
Impulsar, nas rutinas de traballo das persoas, hábitos saudables como facer exercicio ou o contacto coa natureza.
Difundir a boa práctica de “tomar decisións camiñando”, avalada por diversos estudos científicos.
Conectar, entre si e con outras que se atopen no exterior de Galicia, ás asociacións de galegos e galegas retornadas que queiran sumarse.
Contar coa participación do persoal técnico e persoas emprendedoras da Rede de Polos de Emprendemento e Apoio ao Emprego.

Obxectivos específicos

Cada etapa terá tres áreas de traballo especializado:

Unha primeira con foco nas ideas innovadoras para o contorno rural, as actividades deportivas e/ou a sustentabilidade: cada participante debe expor un exemplo sobre algunha destas ideas innovadoras, aplicables na súa actividade profesional ou na das súas compañeiras/os de etapa.
Unha segunda con foco na capacidade de relacionarse, practicando as competencias emprendedoras e creando novos contactos nacionais e internacionais.
Unha terceira con foco na mellora na xestión do seu tempo, tomando como referencia o que tiveron que planificar para poder participar neste proxecto.

Etapas e persoas participantes

En todas as etapas participarán 6 persoas emprendedoras, 6 persoas mentoras e 3 dinamizadoras/es da Fundación Ronsel (15 persoas por etapa).
Etapa 1: o 100% das persoas participantes serán galegas retornadas, salvo por necesidades organizativas.
Etapa 2: como máximo, o 50% das persoas participantes procederán doutras comunidades ou cidades autónomas españolas.
Etapa 3: etapa con chegada a Santiago, aberta quen resida en Galicia (o segundo tramo aberto a calquera participante).
Metodoloxía “Facendo Camiño” coa que traballaremos durante as etapas: Mentoring para emprendedores no camiño.

As etapas

Inscríbete agora!

O obxectivo principal de cada etapa é a mellora dos proxectos participantes e a xeración de contactos profesionais, empregando a metodoloxía de mentoría “Facendo Camiño”.