Proxecto Piloto de Mentoring para profesionais autónom@s

Unha experencia para percorrermos o camiño do emprendemento a través dos seus valores.
  • Desenvolvemento dun plan de acción.
  • Convivencia entre emprendedores/as e mentores/as.
  • Prazas limitadas, inscrición gratuita.
  • Data de inicio do rexistro: 13 de marzo.
  • Data límite de rexistro: 30 de abril.
logo xacobeo

Proxecto piloto de Mentoring para autónomos

Obxectivo

O proxecto piloto de mentoring promovido pola Consellería de Economía, Emprego e Industria en cooperación coa Fundación Ronsel ten como obxectivo axudar a 200 autónom@s de Galicia a reducir os riscos na súa actividade profesional, co acompañamento para a consolidación dos seus negocios e contribuír, mediante melloras nas áreas de xestión, ao incremento dos seus contactos profesionais e a súa actividade económica.

Condicións imprescindibles para participar

Poderán ser beneficiarios do proxecto as mulleres e homes que, estando de alta como autónom@s:

  • Se inscriban neste proxecto, de forma voluntaria e dentro do período temporal marcado, cubrindo a ficha de inscrición dispoñible aquí
  • Teñan o seu domicilio fiscal en Galicia,

Prioridade para participar no proxecto

Entre as persoas que cumpran as anteriores condicións, terán prioridade:

  • Primeiramente os autónom@s que teñan unha antigüidade mínima de 42 meses de actividade profesional.
  • E, seguidamente, aqueles que cumpran canto menos unha das seguintes condicións:
  • Ter recibido a axuda do programa de promoción de emprego autónomo ou do programa de fomento e consolidación do emprego nas pequenas empresas de nova creación entre os anos 2015 e 2019 (ambos os dous incluídos).
  • Se teña acollido ao programa "segunda oportunidade" ou "remuda xeracional", dende a existencia dos mesmos ata hoxe.

Plan de acción do proxecto

Cada autónom@ participante asistirá a un obradoiro de formación de 4 horas para coñecer o proceso do Mentoring e os seus protocolos de actuación.

A cada autónom@ participante se lle asignará un mentor ou mentora (“matching”) en función das características indicadas na ficha de inscrición.

Cada “matching” celebrará un mínimo dunha reunión mensual, cunha duración estimada de 2 horas durante un período máximo dun ano.

Ao finalizar o “matching” formalizarase o seu peche e analizaranse os obxectivos acadados.

Xornadas de camiño

Dentro de 2020 programaremos Facendo Camiño, no que poderás camiñar xunto a un/a mentor/a e madurar o teu proxecto empresarial, traballando sen barreiras e nunha contorna saudable mentres realizas unha etapa do Camiño de Santiago.

Se estás interesado/a, mándanos un correo a gce@fundacionronsel.org e poñerémonos en contacto contigo

Percorremos a ruta en tres tramos

Tramo 1: facémolo en grupo persoas mentoras, emprendedoras e coordinadoras. Formularemos retos para o recoñecemento das competencias de logro, poder e afiliación.

Tramo 2: a persoa emprendedora e mentura seguirán o camiño por parellas nunha entrevista dirixida á toma de decisións en relación coa competencia tratada.

Tramo 3: a persoa emprendedora remata soa para reflexionaren o aprendido, aplicalo ao proxecto propio e comezaren o seu plan de acción.

Traballo na aula

Exposición dos perfís e competencias identificadas, entrega de análise dos mentores e desenvolvemento do plan de acción das persoas emprendedoras.

Galicia Camiño Emprendedor

Sexta edición das xornadas Galicia Camiño Emprendedor.

A primeira edición, que tiña por título «un camiño é unha oportunidade para… emprender», celebrouse o 9 de novembro de 2017 e participaron un total de 273 persoas e 10 poñentes ao longo de 10 horas de exposicións.

A segunda edición tivo lugar do 19 ao 23 de febreiro de 2018, «A Semana Galicia Camiño Emprendedor», onde participaron máis de 300 persoas ao longo de 5 días de intensas xornadas.

A terceira edición tivo lugar o 27 de setembro de 2018 centrada en proxectos próximos e reais de mulleres novas e con experiencia, e contou cunha participación de 100 persoas. 

A cuarta edición, tivo lugar o 21 de febreiro de 2019 baixo o título «Camiño ao emprego». Unha xornada sobre iniciativa xuvenil emprendedora que congregou a máis dun cento de participantes.

A quinta edición tivo lugar en marzo de 2019 baixo o título «Facendo Camiño», percorrendo a pé varias etapas do camiño de Santiago. Unha novidosa experiencia entre emprendedores/as e mentores/as que non dubidamos en repetir!»

logo xacobeo

Galicia Camiño Emprendedor 2020 ©. Aviso legal · Política de privacidade · Política de cookies